日本殿堂級漫畫家松本零士日前因急性心臟衰竭逝世，享壽85歲。
松本零士原名松本晟，出生於福岡久留米市，15歲投稿漫畫作品「蜜蜂的冒險」，獲得第一屆新人王賞，自此出道成為漫畫家。有趣嘅係，本來佢係畫少女漫畫，但後嚟就改變創作風格投入創作少年漫畫，特別係唔少代表作都係科幻作品，為人熟悉就有《銀河鐵道999》、《宇宙海盜夏羅古》、《宇宙戰艦大和號》、《千年女王》、《銀河鐵道物語》等。特別係《銀河鐵道999》系列，於1977年到1981年响週刊雜誌《少年王》連載，風靡一時，堪稱影響一代動畫迷。
除咗咁，大家應該仲對佢筆下長長黃色頭髮嘅美達路（《銀河鐵道物語》女主角）以及雪彌生（《千年女王》女主角）相當有印象。因為當年包括《銀河鐵道999》、《千年女王》等動畫都被香港本土電視台引進播放，令唔少小朋友對科幻卡通片產生咗興趣，亦令松本零士响香港都有相當嘅名氣。
原圖嚟自網絡