嘩嘩嘩！牛下女車神李慧詩响爭先賽殺入四強，聽朝就爭入決賽，今日全城已經為李慧詩集氣，阿史睇直播個陣個心都跳咗出嚟咁濟。單車呢個項目响近二十年成為咗香港一個體育強項，曾經就有單車選手講過今時今日呢個項目受重視同拎到佳績，係昔日一批香港單車運動員捱出嚟，講到呢度就一定叫介紹下「亞洲車神」黃金寶。

黃金寶可以話係香港單車運動嘅傳奇人物，年少已經成名嘅佢曾奪得亞青賽冠軍，不過後因紀律問題而退隊。後嚟國家隊教練沈金康嚟香港做教練，令黃金寶獲得重新加入港隊嘅機會。响沈金康訓練之下，黃金寶逐步成為一個世界級車手，响多個國際賽事中取得冠軍，包括响三屆亞運會奪得金牌。响千禧年前後，黃金寶同李麗珊絕對係香港最具名氣嘅世界級運動員。

原圖：搜狐体育