呢排都同史友們介紹唔少我國嘅傳奇運動員，無論係退咗役定還是有份參加今次東京奧運嘅，佢哋都已經為中國爭取到唔少榮譽。而同樣為國家榮譽奮戰嘅其實唔單止得健全嘅運動員，殘奧嘅運動員同樣都係做緊同一件事！

提起殘奧嘅傳奇運動員，相信有一個身影大家都相當熟悉，呢個人正正就係三面殘奧金牌得主侯斌。侯斌係我國著名嘅田徑運動員、同時都係國際殘奧奧委會嘅形象大使。佢不幸喺9歲嘅時間遇到意外失去左腿，但佢並冇因為咁而放棄人生，反而喺1993年開始接受專業嘅跳高訓練。

而當佢練咗一段時間之後，佢就參加咗1996年亞特蘭大奧運會，佢喺男子跳高F42-44級以1米92成績獲得金牌，而喺在2000年同埋2004年兩次奧運上，佢都做到兩次衛冕，真係犀利！

剛才阿史就提到，大家理應好熟悉佢嘅身影，事關喺2008年奧運會開幕式當中，佢接過奧運火炬之後係以拉拽繩索自行攀爬嘅方式，向上爬點燃當年嘅奧運主火炬，感動咗世界各地唔少嘅人。

原圖嚟自網絡