早幾日就同史友們提到有位抗日名陳翰章將軍因為喺東北抗日期間多次打敗日軍而被日軍視為「眼中釘」，喺畀叛徒出賣之後陳翰章將軍就曾經遭到日本割頭展覽。而提起呢段悲慘嘅歷史，有史友就想阿史介紹埋另一位抗日英雄王亞臣。
王亞臣將軍其實同樣都係東北抗聯嘅將領，佢年幼時因為山東一帶饑荒而同父母嚟到東北。之不過，當時東北就已經陷入戰火連天，甚至仲成為日軍嘅侵略點。為咗一口飽飯，王亞臣曾經做過苦力、伐木工、甚至連土匪都做過。之不過，由於佢生性善良，從來都唔掠奪財物，最於喺東北軍剿匪期間，佢就順勢加入軍隊，展開救國抗日之路。
而喺王亞臣從軍冇耐，東北就淪陷，佢所屬嘅部隊不戰而降，呢個舉動令到王亞臣相當不滿，後來就自組抗日隊伍，經過五、六年時間就成為抗日救國嘅義勇軍首領，並且喺1936年加入東北抗聯，帶領部上多次消滅日軍部隊，解救唔少戰士。
出色嘅戰績亦都令到王亞臣被日軍視為「眼中釘」，甚至仲懸紅都捉到佢家人朋友。而去到1941年，王亞匠就被叛徒出賣，喺犧牲自己嘅情況下令到部隊可以逃生。最後身負重傷嘅王亞臣就被日軍用盡酷刑殘忍殺害，頭顱更被日軍送咗返日本。幾經努力之下，中國政府先可以成功交涉，奪回將軍嘅頭顱。