提起當代嘅建築大師，相信唔少史友都會諗到我哋華人嘅代表、蘇州望族之後嘅貝聿銘。呢位被稱為「現代主義建學最後大師」嘅人物，一生興建過唔少極具特色嘅建築物，但史友們又有冇諗過原來佢曾經拒絕過喺北京建高樓？阿史今次就同大家介紹下啦！
貝聿銘喺年幼時就負笈美國，先係喺賓州大學攻讀建築學，後來就喺麻省理工以及哈佛大學都拎到學位，畢業後就喺美國發展事業，期間獲獎無數，但其實佢一直都心繫祖國，就連自己子女係以安定中國、建設中國、禮儀中國等意思命名。
而去到1970年代，隨住中美外交正常化，貝聿銘終於有機會返到中國。美國建築帥協會喺1974年受邀訪問中國，佢就係其中一個，其中一站更加係去到原屬佢家族嘅獅子林，呢次行程令佢百感交集。而同樣係七十年代，當時佢受邀再到中國訪問，當時時任國家副總理谷牧邀請佢充當橋樑嘅角色，希望可以為中國引入西方文化提供城市規劃和建築建議，但其實貝聿銘心中就唔希望北京步埃及、伊朗等文明古國後塵，犧牲自身古老文明。於是，佢喺清華大家嘅演講入面，就明確表明保育過去嘅觀點，甚至喺1978年第三次訪華果陣，明確謝絕政府邀請喺長安街設計一座高樓，佢唔希望成為破壞京城嘅建築師，真係估佢唔到！