早兩日，阿史同班同事食lunch嘅時候，去咗間食新加坡菜嘅餐廳，秘書妹妹叫咗碗「叻沙摻摻」，嚟到之後夾兩夾就話「咦？點解碗粉下面有麵嘅？」阿史聽完笑咗出嚟，心諗「唔知係咩嚟你仲叫？」

「摻摻」字面有「兩溝」嘅意思，相傳以前啲小販會擺晒唔同嘅麵出嚟俾客人揀，咁有啲嘴刁嘅客人就話要米粉同油麵兩溝，於是呢個食法就流傳開去，成為一種經典麵食喇。