依家嘅香港人淨係鍾意睇外國足球，對本地足球興趣唔大，又話香港足球水平差，無乜好睇。但其實，香港喺上世紀曾經有亞洲足球王國嘅美譽，更加有球員勁到去歐洲踢頂級聯賽，都咪話唔巴閉！

阿史講緊嘅，就係喺六七年期香港球壇叱吒風雲嘅張子岱。佢喺15歲已經加入球隊星島嘅青年軍，1959年獲得甲組勁旅東華賞識邀請加盟。到咗1960年，佢獲推薦去英國甲組球隊黑池試腳，仲成功加盟，成為第一個喺歐洲頂級聯賽效力嘅香港人。不過，佢响黑池效力期間，只係上陣咗三場，入得一球，其餘大部分時間都係踢預備組。由於出場機會唔多同埋思鄉情切，張子岱提前與黑池解約，返番香港。除咗喺英國踢過波，張子岱仲曾經過去北美踢波。

之不過，自張子岱之後，就無乜香港人能夠喺歐洲球壇踢波搵食，間中會啲年輕球員會去歐洲球會試腳跟操，但都爭取唔到一紙合約。直到今年，香港年輕球員歐陽耀沖成功加盟一支葡萄牙球隊，再為香港足球員爭光！

圖片來源：網絡