第一位華人律師 – 伍廷芳 | 中外傳奇

喺香港，律師呢個行業俾人非常高層次嘅感覺，擁有好高嘅社會地位。咁大家又知唔知香港第一位華人律師係邊個呢？

香港第一位華人律師名叫伍廷芳，佢本身喺馬來西亞馬六甲出世，細個喺廣州生活，14歲跟隨親戚嚟咗香港，喺聖保羅書院讀書，畢業之後就先後喺香港高等審判庭、地方法院、巡理署等擔任翻譯。佢响1874年去咗英國留學，喺英國四大法學院之一嘅林肯律師學院攻讀法律，1877年考獲大律師資格。伍廷芳返回香港後，他獲准在英國殖民地擔任律師，成為香港同中國第一位華人律師。

伍廷芳唔單止係香港第一位華人律師，佢仲係華人向立法局任非官守議員，喺當時擁有好高嘅社會地位。不過，佢後來就無留喺香港，返咗去中國做官。佢曾經係清政府駐美公使，做過南方革命軍同清廷和議嘅南方總代表，亦响民國時期做過外交部長、財政部長、廣東省長等要職。由此可見，佢絕對係晚清民初出類拔萃嘅政治人才。