近日阿史重溫咗波蘭著名導演奇士勞斯基(Kieslowski) 嘅大作《Blind Chance》，戲入面冷戰時期嘅波蘭首都華沙死氣沉沉。但响現實當中，華沙絕對係一個可以讓人大開眼界嘅名城。華沙既係波蘭首都亦係經濟工業中心，同時都有令歷史迷陶醉嘅另一面。行入華沙老城區，街道開闊，中世紀風格嘅建築，城堡廣場、聖若望主教座堂都有幾百年歷史，更具歷史沉澱感。
二戰時期，華沙曾經幾乎被戰火夷為平地，大部分建築早就被炸毀。但係戰後政府進行重建，積極重現歷史風貌，令到華沙老城區能保留原來特色。