宜家香港哋上樓艱難，難得買到樓，梗係要嗱嗱聲搬入去喇，偏偏北宋文學家蘇軾當年反其道而行之，買咗屋唔住不特止仲要出去租屋住？究竟中間有啲咩故仔呢？

話說蘇軾被貶去常州果陣，用咗啲積蓄買咗間屋，諗住擇日入住。喺一個偶然嘅機會下，佢聽到有個老婦喊得好傷心，於是過去問個究竟喇。個老婦就話過蘇軾知，自己本嚟有間屋，係祖宗留落嚟嘅，已經有成百年歷史喇，但轉過身就被個不孝子賣咗，所以咪傷心到喊囉。喺蘇東坡細問之下，先知道原嚟自己買果間屋就係老婦講果間祖傳老屋，諗都唔諗，就燒咗自己張房契，還返間屋俾老婦，寧願自己租屋住。依件事證明，蘇軾作為大文豪，唔單止寫得作得，德行仲得！