今日係朝鮮已故領導人金正日，亦即係現時領導人金正恩個爸爸逝世7年嘅日子。今日就有報道話金正恩率領一眾勞動黨中央委員會委員，去到安放金正日遺體嘅錦繡山太陽宮參謁。

喺7年前，朝中社報道就話金正恩喺12月17日因為因疲勞過度，導致急性心肌梗塞，喺專列火車上猝死，著名女主播李春姬聲淚俱下咁報道死訊。阿史仲記得，金正日逝世嘅消息喺當時非常轟動，再加，當時外界對新一任領導人金正恩嘅事一無所知，出現唔少猜測，又話有機會出現奪權、內戰等，美日韓三國因此都提高戒備，憂慮金正日逝世會令朝鮮政局不穩，甚至影響東北亞局勢。

金正日俾人感覺係獨裁、喜怒不定，但根據一啲脫北者所講，金正日其實對電影相當有興趣。根據報道，金正日喺70年代曾經派特務喺香港綁架南韓影后崔銀姬同埋名導演、崔銀姬前夫申相玉，迫佢哋幫北韓拍電影，據講金正日仲提供好大創作空間同大量資源俾佢哋拍電影添。

圖片取自網絡。