之前同大家講過盛家七小姐盛愛頤同前廣州國民政府財政部長宋子文嘅感情史，而盛愛頤一家都幾傳奇，佢爸爸係中國第一間大學——北洋大學創辦人盛宣懷，盛家人固然著名，不過令人估唔到嘅係，連盛家嘅保姆都唔惹小。其中一個保姆呂葆貞生咗人稱「趙四小姐」嘅趙一荻，所以位保姆之後做埋西安事變發起人張學良嘅岳母添。

盛家係有名嘅富戶，屋企傭人都有成200幾個，要打盛家工都唔係咁易，首先要有返咁上下質素。呂葆貞雖然出身清貧，但就因容貌、氣質上佳，又知書識禮而成功獲聘，去盛家做保姆。呂葆貞做嘢勤力爽手，人又生得好，到咗適婚年齡，盛家就幫佢搵咗頭好人家——民國交通部次長趙慶華嫁咗，雖然係做妾，不過以呂葆貞嘅屋企背景，都算係頭好親事。

嫁咗入趙家之後，呂葆貞亦好知足，專心操持家務，為趙慶華生兒育女，頗得丈夫歡心。自從呂葆貞幫趙慶華生咗四男三女之後，佢喺趙家嘅地位就更加穩固。呂葆貞嘅其中一個女兒，就係後嚟不顧一切都要嫁俾張學良嘅趙一荻。後嚟趙一荻陪張學良去檀香山醫病，呢一走就令兩母女從此天人永訣。

原圖嚟自網絡。