尋日講咗斧頭幫幫主王亞樵對日本人並無好感，仲因為蔣介石掛住內鬥又唔主動抗日而多次策劃暗殺蔣介石同宋子文，不過都唔成功。而王亞樵一次矚目嘅暗殺行動，肯定要數到佢用熱水壺炸彈破壞日軍喺上海慶功宴果次。

1932年「一二八」事件之後，日本外相重光葵嚟到上海，同日軍駐上海嘅指揮官白川大將決定喺喺上海日租界嘅虹口公園，為日本天皇誕辰舉行慶功會，知悉事件嘅國人無不氣憤。十九路軍總指揮陳銘樞更加嬲到拍台大罵，但係日軍戒備森嚴，慶功會當日又只准日本人同朝鮮人參加，其他人根本無機會入去。

陳銘樞想破壞呢個大會，親自去上海請王亞樵幫手。於是，王亞樵就聯絡逃亡到上海嘅朝鮮獨立黨安昌浩等三人，請佢哋帶住裝有計時炸彈嘅熱水壺同裝住手榴彈嘅飯盒混入會場。大會當日，安昌浩幾人將炸彈放喺講台底下，迅速撤離。好快炸彈爆炸，一行人再補多個手榴彈，結果重光葵被炸斷咗一隻腳，而白川大將重傷不治，其他十幾個日本官員都有唔同程度嘅損。 呢次暗殺轟動一時，令唔少人對王亞樵刮目相看。

圖為當時上海《申報》嘅報道同王亞樵，原圖嚟自網絡。