金庸嘅女神似西施？

脫俗嘅小龍女、精靈嘅黃蓉、神仙姐姐王語嫣等金庸筆下嘅美女角色，據講都有一個人嘅影子——長城三公主之一嘅夏夢。

金庸曾經形容，自己嘅家庭生活包括三次婚姻同一次暗戀。首任太太跟住佢嚟香港，但當時忙於創業嘅金庸令太太有唔少不滿，最終離婚收場。多年後，金庸話係對方背叛咗佢。而第二任太太朱玫幫金庸生咗兩仔兩女，記者出身嘅朱玫仲成為金庸嘅賢內助。可惜嘅係，大仔查傳俠19歲時自殺身亡，令金庸大受打擊，借酒消愁，識咗酒吧侍應林樂怡，就同朱玫離婚，結第三次婚。

而响認識朱玫之前，金庸認識夏夢，有指當時金庸特登到夏夢所在嘅長城影視公司擔任編劇，使用筆名林歡，三年間創作咗《絕代佳人》等電影劇本。不過夏夢一早就名花有主，拒絕咗金庸嘅追求，21歲嫁予商人林葆誠。