除咗尖沙咀鐘樓，中環身為香港嘅心臟地帶，原來都曾經有座鐘樓。依座鐘樓曾經屹立於皇后大道中同畢打街交界，據講係香港第一座鐘樓。依座五層高嘅建築於1862年12月31日零時首次響起，作用主要係報時同指示火警，響一下係西營盤火警、兩下係中環，而三下就係灣仔，之後仲有五分鐘嘅碎響。不過鐘樓响1913年被指係阻礙交通而拆卸，改由中環天星碼頭嘅鐘樓替代報時。

舊圖係1880年代嘅畢打街鐘樓。

圖片來源：Dennis G. Crow Ltd.