韓國首爾梨泰院响萬聖節前夕發生人踩人慘劇,造成過百人死亡,睇到網上唔少片段都覺得好得人驚,尤其係有人當時响網上直播,睇返啲片段真係好混亂同好得人驚。
呢次人踩人慘劇就令唔少網媒重提1993年香港蘭桂坊人踩人慘劇,當年有過萬名市民湧到中環蘭桂坊歡度跨年,不過响喺新年倒數之後,人群之中因有人打架生事而導致混亂出現。市民亦都因為咁而好快向德己立街往下行離開,但點知去到十字路口嘅時候意外就發生。當時有市民目擊到有一排人牆同時跌倒,隨後嘅人亦都因為後方嘅人繼續推撞而跌倒,就係咁樣造成骨牌效應,响呢個極混亂情況下出現人踩人情況。據當時消防報告指出,至少有5層嘅人牆堆疊埋一齊,其中有150至200人被困。呢次慘劇最終造成21人死,60幾人受傷。
亦因為呢次慘劇,當局進行了檢討,此後警方就對大型活動或節日慶祝活動實施人潮管制。
原圖:新聞片段截圖