《時代》周刊一直喺全球新聞界有住舉足輕重嘅影響力，每期嘅封面人物更加係備受關注。喺1924年9月8號，第一次有中國人登上《時代》封面，呢個人就係直系軍閥首領吳佩孚。吳佩孚雖然係秀才出身，但絕對唔可以睇小佢。

直系前掌門馮國璋病逝之後，吳佩孚同曹錕「接任」直系軍閥首領。1922年第一次直奉戰爭爆發，直系取勝，張作霖嘅奉系軍隊敗北收場，令「常勝將軍」吳佩孚成為北洋軍閥嘅重要人物。當時手握數十萬兵力嘅吳佩孚虎踞洛陽，勢力影響大半個中國。曹錕講過，「只要洛陽打個乞嚏，北京天津都要落雨」。《時代》封面底部仲有行字寫住，吳佩孚係「中國最強者」（Biggest man in China）。

#傳奇男女