阿史之前都介紹過愛迪生同特斯拉兩位發明家嘅事，咁啱呢排有套同愛迪生有關嘅電影《電流戰爭》上映，套戲講述愛迪生同鐵路大亨威斯汀豪斯，分別利用自己嘅直流電系統同交流電系統競爭發展電網系統，雙方明爭暗鬥，今日就講多少少愛迪生嘅嘢先。其實除咗電燈之外，愛迪生仲有唔少發明專利，包括1874年發明自動電報發射機同接收機，以及1877年發明留聲機等等。

愛迪生一生擁有超過2000項發明、超過1500項專利。喺1910年8月，愛迪生邀請一班觀眾去到佢位於新澤西州嘅實驗室，去睇佢發明嘅電影機。呢部電影機係首部可以同時錄音同攝影嘅器材，大大推動電影發展。不過有唔少人都批評，有好多愛迪生嘅「發明」，其實都只係佢嘅團隊成員所發明，愛迪生只係提供資金同實驗室俾佢哋，完成發明之後就登記喺自己名下。

圖為愛迪生，取自網絡。