三百年歷史廟宇 楊侯古廟

介紹東澳古道上面東涌果邊嘅古廟，雖然大澳係關帝古廟同天后古廟，但今次阿史講下大澳嘅一座三百幾年歷史嘅古廟，呢座古廟叫做楊候古廟。

楊侯古廟相傳係為咗紀念南宋國舅楊亮節而建，喺南宋嘅末年，蒙古人不斷嘅入侵令到宋軍再都抵擋唔住，楊亮節就負責護送宋帝昰同埋後來嘅宋帝昺南下香港逃難，雖然已經身患重病，但仍然英勇抗敵，最尾仲不幸逝世。村民知道呢個故事後，就紛紛喺各地立廟紀念佢。

大澳嘅呢座楊侯古廟，按照廟入面嘅歷史最悠久嘅清康熙三十八年鐵鐘推斷，相信係喺1699年之前建成。呢座兩進三開間嘅建築，處處都反映住當住大澳係幾咁有錢，整體建築係由青磚、麻石構成，但屋脊上面就有專程由石灣訂造嘅陶瓷公仔，上面都係陶瓷名店巧如璋製造，廟入面仲有大量吉祥物木雕。而講到最誇張，應該就係一塊喺1881年用鉛錫合金鑄成嘅牌匾，真係相當罕見。