如果講話深圳成為經濟特區同鄧小平有莫大關係，相信唔會有太多人有異議。响1984年，鄧小平就去咗廣東省巡視，响深圳仲發生咗件趣事。

當時嘅深圳，就以「三五天一層樓」嚟比喻城市發展嘅速度，而當時發展中心區域就係羅湖區。鄧小平响1984年1月南巡時，响深圳聽取當時市長梁湘嘅報告，之後佢就响廣東省長梁靈光等人陪同下，走咗深圳當時最高嘅國際商業大廈22層天台上高，睇下當時深圳發展嘅狀況，就係圖中呢張相。據了解，鄧小平响深圳期間，都係「只看不說」，但响國際商業大廈天台睇完之後，佢後嚟就講咗句「我都看清楚了。」到底佢睇清楚乜嘢呢？後嚟佢响北京就講返：「這次我到深圳一看，給我的印象是一片興旺發達。」所以有人話，個次鄧小平去深圳，就係用眼「睇」發展成績。

原圖嚟自網絡