上次介紹過廣州有一座好有歷史嘅廣東迎賓館，而作為改革開放橋頭堡嘅深圳，亦設有迎賓館，就係深圳迎賓館。
位於羅湖區嘅深圳迎賓館，係响東門附近，昔日羅湖係深圳早期最旺嘅地區，所以深圳迎賓館設响呢個地方都相當合理。深圳迎賓館响1988年開業，係深圳市委及市政府平日嘅重要接待基地，以往中央領導人同重要官員到訪深圳時都响呢度住宿。好似1992年鄧小平南巡時，逗留深圳期間就住响呢度，仲接見來訪者。
當然！到咗今時今日，深圳市已經有好多又新又靚嘅酒店，之但係响深圳人心目中深圳迎賓館佔有一個好特別嘅位置，因此入選咗第二批深圳市歷史建築。
原圖嚟自網絡