喺晚清呢段歷史入面，有一位好重要嘅人物，佢唔單止係道光帝個仔，佢仲係清末洋務派嘅代表入面、晚清嘅軍機大臣，被稱為「鬼子六」嘅恭親王—奕訢

。

奕訢，身後諡號「忠」，所以又叫做恭忠親王。奕訢曾經係道光帝立儲其中一個想立為太子嘅人選，但就因為佢嘅媽媽靜貴妃被道光視為係側室，所以最終繼位嘅係皇四子奕詝。

提起奕訢呢個名，就曾經出現喺第二次鴉片戰爭入面，當時佢係被封為欽差大臣，全權負責代表清政府同英、法、俄嘅談判，仲簽訂埋《北京條約》。除咗呢個身份之外，佢仲係洋務運動嘅首腦，主張學習外國軍事科技、保持同列強之間和平嘅關係。由於佢排行第六、又學習西方事物，所以就畀保守派嘅官員叫做「鬼子六」。

咁呢位洋務運動嘅首腦嘅晚年又係點過呢？佢嘅功績有平定太平天國運動同埋捻亂，但佢喺光緒十年（1884年）中法戰爭嘅時侯，就因為和戰不定而令到軍隊戰敗，最後仲被慈禧太后罷去一切職務。

原圖嚟自網絡