記得以前讀中史個陣，話清代洋務運動興建咗唔少兵工廠，好似金陵機器製造局、江南製造總局等，咁史友們又知唔知，原來响廣東响洋務運動時期都有一個兵工廠呢？
呢間位於廣東嘅兵工廠，創辦者係兩廣總督瑞麟。响1874年，佢就奏請成立廣東機器局，製造槍炮火藥、修造兵輪等。到咗1878年，時任兩廣總督劉坤一奏請成立廣東軍火廠，至1885年，兩廣總督張之洞奏請將兩廠合併為廣東製造局，仲將廠房搬到去石井墟，因而又有石井兵工廠之名。而呢間兵工廠水平其實响當年國內都算係相當高，因此响民國成立初期，兵工廠成為兩廣地方軍頭爭奪嘅資源。另一方面，因為呢間廠出產部分武器水平高，所以連北方軍閥都會幫襯。
原圖嚟自網絡