早兩日就同史友們講到中英雙方簽署《中英聯合聲明》，而巧合地喺1996年嘅當年今日，就發生咗一件因為《中英聯合聲明》而間接衍生出嚟嘅選舉，阿史所講嘅正正就係臨時立法會選舉。

要知道踏入80、90年代，當時因為《中英聯合聲明》嘅簽署，港英政府就急速推行民主代，繼喺1985年舉行咗間接選舉，再去到1991年嘅立法局部分議席直接選舉同埋推出「新九組」之後，港英政府仲諗住將舊立法會議員喺回歸前夕直接過渡去回歸之後嘅立法會。呢個決定即時激怒中方，決定拆「直通車」。

咁問題嚟喇，拆完「直通車」之後，立法會入面嘅議席又點算呢？喺1996年12月21日嘅深圳，就舉行咗一場由400位委員投票進行嘅選舉，當60個議席就係通過呢個第一屆政府推選委員會選出嚟喇！

原圖嚟自網絡