提起「東方紅」，相信唔少史友們都會諗起兩樣嘢，就係叫做《東方紅》嘅歌曲以及我國第一顆人造衛星「東方紅一號」。而唔講唔知，其實兩者之間真係存在住密不可分嘅關係！

喺1970年4月24日，「東方紅一號」就喺酒泉衛星發射中心發射升空，作為東方紅人造衛星系列首顆衛星、作為「兩彈一星」當中嘅「一星」，「東方紅一號」嘅意義相當重中，佢嘅成功亦都標誌住中國成為世界上蘇聯、美國、法國和日本之後第五個能夠獨立發射人造衛星嘅國家。

之不過，距離蘇聯發射第一顆人造衛星「史普尼克一號」，「東方紅一號」係喺十三年之後先至成功發射到，所以單單係升空並唔足夠，而係要有相當高嘅質量先得，但呢一點又可以點樣認證呢？咁就同《東方紅》呢首歌有關喇！

當時中方就訂下咗一個目標，當「東方紅一號」成功升空之後，就要令到《東方紅》呢首歌喺太空上可以成功播放，樂音唔可以啞、亦都唔可以變調並且要持續播放到，在此之前並冇任何經驗可以借鑒，但中國最終都係可以成功做到呢一點，真係唔簡單！

原圖嚟自網絡