記得2019年國慶大閱兵，解放軍好多先進嘅新型武器登場，包括備受矚目兼首次登場嘅東風41型洲際導彈，呢款導彈亮相顯示咗中國國防實力已到達一個高水平。
近呢十幾廿年，中國每次舉行閱兵式，大家都會留意中國有乜嘢新款武器研發成功，唔知史友們又知唔知，新中國第一次閱兵式，即開國大典中嘅大閱兵，士兵裝備有幾唔完整呢？當時中國經歷多年抗戰再加上幾年內戰，解放軍裝備武器裝備大部分係打仗時繳獲而來嘅「萬國牌」。受閱裝備有輕重武器110多種，產自24個國家嘅98家工廠，而閱兵式中唔單止有騎馬兵，仲有由騾馬拖拽嘅山炮部隊。同今時今日比較，就知道中國依家國力同國防實力有幾咁強大。
原圖嚟自網絡