好耐之前介紹金庸《天龍八部》嘅內容時，有史友就叫阿史介紹下西遼呢個王國。事隔多時阿史要找一找數喇！

西遼係一個存在於十二至十三世期嘅中亞王國，開國君主係耶律大石。耶律大石本身係遼國嘅節度使，後嚟女真族嘅金國同遼國爆發戰爭，期間耶律大石率兵向西出走，最終响依家嘅吉爾吉斯一帶建立王國稱帝，亦即係西遼帝國。西遼建國之後，不斷向西擴張，國境範圍包含今日哈薩克、烏茲別克、土庫曼、吉爾吉斯、塔吉克等部分地區，盛極一時，成為中亞地區一個契丹人帝國。

不過，呢個由契丹人建立嘅帝國經過幾十年後，出現咗一次內亂。西遼最後一任君主屈出律，本來嚟蒙古乃蠻王塔陽汗之子，乃蠻被成吉思汗滅咗之後西遼皇帝耶律直魯古收留咗佢，仲將個女許配俾佢。點知屈出律發動政變篡位。另一方面，當時蒙古响成吉思汗領導之下，成為一個強國，並開始向西擴張。最終，西遼被哲別所率嘅蒙古大軍消滅，呢個由契丹人建立嘅中亞帝國就此滅亡。