相信大家都聽過或飲過錫蘭紅茶，呢款咁出名嘅紅茶就係產自南亞國家斯里蘭卡。咁點解斯里蘭卡出嘅茶叫錫蘭茶呢？

斯里蘭卡係印度洋上一個島國，1815年起成為英國殖民地，正式名稱為Ceylon，亦即係錫蘭，直至1972年廢除君主制成立斯里蘭卡共和國，國名先至叫斯里蘭卡。不過，由於當地出產嘅錫蘭茶葉已經遠近馳外，所以大家都會叫「錫蘭」呢個名。


不過，相傳斯里蘭卡出產茶葉係因為錯有錯著。响十九世紀，有一個蘇格蘭青年James Taylor响當地咖啡園打工，點知受疫症影響開墾咖啡園失敗，咖啡園主人於是叫佢試種茶葉，點知非常成功。後嚟英國商人Thomas Lipton 因去澳洲而途經錫蘭，兩人商討後Lipton間公司決定購入錫蘭茶葉搬去英國販賣。就係咁，錫蘭茶就咁變得出名喇！