早幾日有外國朋友遠道而來探阿史，問佢想食乜，佢二話不說就話大排檔，好啦，咁就帶佢去深水埗阿史食開嗰檔試試啦！

講開又講，大排檔嘅前身，其實即係無牌經營嘅熟食檔囉，大約係19世紀末開始陸續出現，到咗二次世界大戰之後，先開始有所謂發牌制度，由於個牌好大張，所以就叫大牌檔，到後來變變下就多數叫做大排檔。上世紀80年代後，大排檔嘅排照陸續贖回，持牌人身故後嘅牌照亦要交返畀政府。今時今日，香港嘅大牌檔真係賣少見少了。

今次阿史就帶大家回到過去，一齊睇睇1956年旺角嘅大排檔係咩樣啦！


圖片來源：香港歷史檔案館