上世紀60年代建成的夏愨道

佔領行動持續多日，其中金鐘夏愨道日日都被佔，港島交通無可避免受到影響。請真，夏愨道係港島交通流量最高嘅行車道路之一，交通唔亂至奇啦！

不過大家又知唔知，呢條港島最重要嘅道路，原來以前係英國軍艦停泊嘅地方，即係海。喺二戰前，來往灣仔同中環嘅車需要繞道金鐘道，兜一兜唔係太方便。上世紀50年代，港英政府喺金鐘海軍船塢附近填海，就係咁一條接通中環同灣仔嘅新路喺1961年落成，新路並以海軍少將夏愨命名。夏愨道通車之後，中環金鐘一帶交通情況得到改善，為市民帶來便利。

參與佔領行動學生嘅理想，大家都理解同明白，但對市民嘅影響，希望學生都可以考慮下，如果最終能達成一個雙贏嘅共識，就係阿史最希望見到嘅結果。