仲記得早排有單新聞，話市區重建局嘅中環街市活化項目一拖再拖。大家對於中環街市，其實又知道幾多呢？

翻查史檔，現有嘅中環街市於1939年建成，樓高四層，喺當時盛行嘅現代簡約主義建築例子，亦是後期藝術裝飾主義衍生出來嘅一門風格。街市大樓嘅特色是簡單嘅橫向線型，而整個建築設計是從大樓的實用功能出發。

日軍佔領時期，中環街市被改名為「中央市場」，至80年代，這個名字仍見於德輔道中的入口，直至1993年才改過來。

對於見證著該區發展嘅當地居民而言，中環街市曾是歷史性的地標，而在60年代末，中環街市更曾經是東南亞最大型嘅肉類市場。

古物諮詢委員會响1990年將中環街市列為三級歷史建築。1994年，中環街市個別部分被改建作中環購物廊，成為半山自動扶梯嘅起點。街市於2003年3月正式停止運作。市區重建局已計劃活化街市成為「城中綠洲」，希望為中環鬧市增添休憩空間同埋綠化環境，並為中環上班一族提供一個時尚嘅消閒去處喎。

圖片來源：發展局網頁