戴卓爾夫人「世紀一跌」

話說鄧小平當日响人民大會堂會見戴卓爾夫人，當時戴卓爾夫人擺出嘅姿態好強硬，仲揚言：「如果中國收回香港，就會給香港帶來災難性的影響。要想繼續維持香港的繁榮，就必須繼續由英國來管理她。」

鄧小平聽到呢番話後，唔單只無被嚇倒，仲話中國收回香港，係全中國人民乃至全世界人民嘅意願，「如果不收回，就意味着中國政府是晚清政府，中國領導人是李鴻章！」鄧小平跟住仲借用戴卓爾夫人嘅話去「回敬」佢。鄧小平話，中國政府各種可能性都估計過，「還考慮了我們不願意考慮的一個問題，就是如果在15年的過渡時期內香港發生嚴重的波動，怎麼辦？那時，中國政府將被迫不得不對收回的時間和方式另作考慮。如果說宣布要收回香港就像夫人說的『帶來災難性的影響』，那我們要勇敢地面對這個災難，作出決策。」

唔知戴卓爾夫人係咪被鄧小平咁強硬嘅態度嚇親，佢之後離開人民大會堂步落石階時失足向前仆，成為舉世聞名嘅「世紀一跌」。之後有唔少人解讀戴卓爾夫人呢一跌證明咗中英談判中英方策略全盤失利喎。