每當提起「一帶一路」，唔少會諗起中亞國家以及非洲國家。之不過， 響應｢一帶一路｣ 嘅國家當中，有唔少係大家認知當中嘅已發展國家，大洋洲國家新西蘭就係其中一個。講到新西蘭，唔少中國人都會移民去呢個國家，其實早响百幾年前，就有唔少中國人去咗新西蘭。

咁百幾年前嘅佢哋去新西蘭做乜呢？原來係當時去掘金。話說十九世紀個陣，美國西部興起一陣淘金熱，開始有人被「賣豬仔」去咗美國西岸掘金，所以三藩市就有舊金山之稱。原來，响十九世紀二十世紀個陣，澳洲同新西蘭都發現咗金礦，結果吸引咗歐洲同亞洲人去掘金。1866年，12名華人從澳洲到咗新西蘭奧塔哥嘅金礦，第一批中國人就係咁樣落戶新西蘭喇。

同其他地方一樣，當金礦掘空後，當地嘅華人苦工就從事其他苦工，亦有啲開始做小生意，有啲華工經過多年艱苦工作，最終儲咗啲錢衣錦還鄉，亦有啲就响當地落地生根。

講多句，據新西蘭官方記載，當地第一個中國移民係廣東人黃鶴廷，佢1842年到咗新西蘭，1852年成為新西蘭公民，佢本身唔係礦工，而係一個商人。