新加坡「建國總理」李光耀三年前今日逝世，當年李光耀逝世之後全國哀悼七日，並將遺體安放國會供公眾瞻仰，結果引嚟超過十萬人排隊輪候，要等八個鐘先入到去，可見呢位新加坡國父喺國民心中係幾受歡迎。
雖然有唔少西方國家批評李光耀政權專制，但李光耀由1959年起擔任總理，經歷新加坡1965年獨立，直到1990年先卸任總理，呢段期間帶領新加坡由一個城市國家，發展成一個富裕繁榮嘅國家，成為「亞洲四小龍」之一，實在功不可沒。