以前讀書個陣老師就話嘅東漢李鄭屋古墓係當時香港地區同中原政權有所關連嘅重要證據。

呢個東漢古墓位於現時嘅李鄭屋村，所以又有個名叫李鄭屋古墓。咁個墓點樣被發現嘅呢？話說1955年8月，當建築工人將李鄭屋村開拓成徙置區個陣，無意發現咗墓穴。從墓室的形制、墓磚銘紋及出土文物等推斷，該墓應建於東漢時期，响墓磚銘文上有一塊寫住「大吉番禺」，就係證明呢個墓係建於漢代嘅有力證據。

至於呢個墓嘅主人係點個呢？至今仍然係個謎。有學者就認為應該係東漢嘅貴族墓穴，因為响番禺呢啲落後地區，平民百姓根本無能力起個咁有規模嘅墓。但另有意見就認為可能係當時鹽官嘅墓穴。因為李鄭屋响長沙灣畔，個一帶非常適合鬻海為鹽，所以有個鹽官嘅墓穴响個度不足為奇喎。