烏茲別克响中史書出現？

阿史聽到烏茲別克呢個名，就諗起以前讀中史個陣不時會讀到呢個地區同古代中國交往嘅歷史，唔知史友們又知唔知呢？

中學中史科都學過，西漢張騫出使西域，希望聯合大月氏嚟抗匈奴，據估計大月氏當時所在地就係而家嘅烏茲別克一帶。而烏茲別克嘅舊都撒馬爾罕，有一段好長嘅時期係曾經係絲綢之路嘅交通中心，而新首都塔什干，當時叫石城，响唐朝時慘被唐將高仙芝屠城。响中世紀呢個地區出現咗一個強大嘅帝國，叫花剌子模，上中史堂學成吉思汗西征期間滅咗呢個國家，而金庸嘅《射鵰英雄傳》裡面，郭靖跟成吉思汗西征時就有蒙古大軍侵打花剌子模嘅情節！所以話，烏茲別克呢個國家其實同中國歷代都有政治、經貿同文化嘅交流，提一提史友們係咪特別覺得唔陌生呢？

講到烏茲別克呢個國家，除咗大月氏同花剌子模外，當地有一個重大危機世人有必要知道，至於係乜嘢危機？下次再講。