之前講起包青天個配音員源家祥，今次不如講埋包青天嘅演員金超群。

現年67歲嘅金超群由1993年開始飾演包青天包拯，拍咗超過700集，深入民心，可以話一諗起包拯，就諗起金超群。佢為咗演活包拯嘅氣勢，超過20年將體重維持喺一百公斤左右，犧牲唔少。除此之外，金超群曾經自費喺青島起咗座影視城，專門用嚟拍包青天，但影視城一直虧蝕，直到2015年先賣咗影視城。金超群曾經話過，希望將包青天公義精神一直傳承落去，除咗飾演包拯，佢亦曾經為包青天嘅劇集寫劇本，可見佢係幾咁鍾意包拯呢個角色。

去年曾經一度傳出金超群嘅死訊，後嚟佢出席公開活動，打破傳言，但佢直認腦入面生咗腫瘤，接受過開腦手術，好彩最後都吉人天相。

圖片嚟自網絡。