第二次世界大戰期間，日軍喺1941年12月8日進攻香港，當日清晨派軍機轟炸啟德機場，炸毀所有駐港空軍戰機，並且派出步兵渡過深圳河。日軍喺11日迅速攻破城門水塘防衛線，翌日就湧入九龍，英軍被迫撤退到香港島，日軍多次派代表呼籲英軍投降，但遭到港督楊慕琦拒絕。

張圖係日軍入侵香港嗰陣空投嘅宣傳單張，文中威脅會將香港炸成碎片，叫英國人同埋軍隊唔好作無謂抵抗，仲聲稱日軍會保證投降者性命無虞。嘩，擺明擘大眼講大話喎。去到17日夜晚，日軍強行登陸香港島東北部，英軍頑強抵抗，但都係守唔住，最終楊慕琦喺聖誕節投降。

原圖由香港政府檔案處提供，如需使用該等照片，須以書面向香港政府檔案處提出申請。