「粉紅粉紅趣緻的臉，我叫一聲即可飛上天，赤色絲巾圍在肩，凝望鏡盒身體會變~」唔知大家仲記唔記得呢首係咩歌呢？近排秘書妹妹不斷咁哼呢首歌，搞到阿史入晒腦，又去睇返幾集《飛天少女豬事丁》。 呢套以豬為主角嘅卡通，雖然已經係90年代中嘅作品，不過宜家睇返依然覺得做得唔錯，劇情輕鬆搞笑，做嘢做到悶悶哋，再睇返都係會識笑。想當年阿史放學，偶然都會開電視，追睇豬仔寶妮收集到幾多粒珍珠，連功課都丟埋一二邊，印象中最搞笑一幕，係變成豬仔嘅寶妮要幫手救火，方法居然係用豬鼻狂吸水，再飛返火場噴水，都唔知佢係大笨象定豬，笑到碌地。講講吓，好似仲有隻黃色豬，大家記唔記得叫咩名？ 原圖嚟自網絡。