之前講完資深配音員保全叔，今日同大家講講另一位叮噹「功臣」、港版叮噹之母張浚華，唔少人由細到大所叫嘅叮噹，正正就係由佢改名。

張浚華係兒童讀物《兒童樂園》前社長，1973年開始响《兒童樂園》刊登叮噹嘅故事，令依個卡通人物系列走入香港人嘅視野。至於點解會叫叮噹？原來係因為佢條頸掛住個鐺鐺。大雄同牙擦仔（即係阿福或者小夫）嗰名都係張浚華所改，而靜宜個名就係嚟自靜宜女子中學。唔講唔知，開初技安原來叫做肥仔同阿廣，不過後嚟無綫買咗電視版權，先改名做技安。至於靜香、胖虎同多啦A夢等稱呼，全部都係後話。

圖片嚟自網絡。