之前睇周星馳套《鹿鼎記》，有親戚見到林青霞飾演嘅神龍教聖女龍兒，就搭口話林青霞當年真係好清純，搞到阿史即刻手痕去search吓林青霞啲舊相嚟睇，真係唔睇由自可，一睇嘩嘩聲，當年嘅林青霞嚟到今時今日，絕對撼贏唔少靚女！

原來張學生相係林青霞拍第一部電影《窗外》嘅劇照，當時佢仲未夠廿歲。其實林青霞喺七十年代初响台北西門町被星探發掘，跟住介紹佢去電影公司，對家就送咗本小說過佢——《窗外》。林青霞揭咗幾頁，心諗小說入面嘅女主角根本就係自己，敏感得嚟又帶點憂鬱，於是向媽媽爭取完一輪之後，就拍咗呢部電影後，迅即爆紅。林青霞先後拍咗過百部電影，代表作有《東邪西毒》、《白髮魔女傳》等，仲憑住《滾滾紅塵》贏得金馬影后殊榮。林青霞曾經同秦祥林、秦漢有段三角戀情，但最終喺1994年同富商邢李㷧結婚，漸漸淡出娛樂圈。

原圖取自網絡。