努爾哈赤四個字，代表著一個傳奇。生於明代嘉靖三十八年（1559年）的努爾哈赤，爸爸先後有3個妻子，點知喺努爾哈赤10歲嘅時候，媽媽突然離世，從此要活喺繼母陰影之下。後來，佢就帶埋細佬舒爾哈齊投靠公公、建州衛首領王杲。

喺萬曆年間，明朝遼東總兵李成梁率軍攻陷王杲嘅屯寨，王杲同親屬被殺，努爾哈赤同舒爾哈齊就雙雙成為李成梁嘅俘虜。努爾哈赤本身聰明，加上失去親人，於李成梁就收佢書僮。努爾哈赤其後為李成梁立下唔少戰功，慢慢就成為李成梁嘅隨從、侍衛，成日出入對方的住處，並對《三國演義》及《水滸傳》等好有興趣。

不過努爾哈赤無忘記到親人被殺嘅仇，佢知道自己實力不足，所以唔敢輕舉妄動。佢喺李成梁帳下留咗3年之後，就以回鄉成親為由離開。之後佢用咗10幾年時間幾乎征服晒所有女真部族，喺1616年建立後金，自稱做「天命」汗。直至1626年，明軍守將袁崇煥利用大炮擊退金軍，努爾哈赤受傷，7個月之後離世。係咪覺得唔夠喉？下次講埋八旗兵制同女真文。

原圖取自網絡。