繼續同史友們探討一啲有趣嘅歷史謎題，縱觀中國最後嘅兩個王朝，可能大家都會發現到呢兩個朝代最明顯嘅唔同之處就係在於大臣。明朝嘅大臣大多都係敢諫敢言，至於清朝嘅大臣好多就都係唯唯諾諾，到底點解會有呢啲分別呢？阿史今次就同大家討論下！
明清兩朝分別就係漢人嘅天下以及滿人嘅國度，而由於兩個王朝屬於兩個唔同民族，自然奉行嘅文化亦都唔同。漢人文化當中，為人臣子最重要就係敢於向皇上諫言，「文死諫，武死戰」仲被視為係光榮嘅事。所以喺明朝嘅時候仲有一種官職叫做「言官」，由都察院禦史、六科給事中組成，佢哋嘅職責就係專門規諫皇帝、左右言路、彈劾百官。甚至當御史楊爵、馮恩、沈束見到嘉靖皇帝迷信道教、不理朝政，仲會上書極諫，即使被立下詔獄都在所不惜。雖然明宣宗之後嘅明朝帝王想通過宦官制度以及其他秘密組織制衡士大夫階層，但明朝大臣都依然敢言。
至於滿人嘅文化當中，臣子就係如同字面嘅意思，係奴才嘅存在。喺滿人嘅文化當中，為人臣子就係要講求唯命是從，質疑與忤逆都係不忠嘅表現。而且滿清皇朝都係重用滿人、輕視漢人，就更加令到呢種君臣關係延續，有能力嘅漢人亦都選擇隱忍。
原圖嚟自網絡