今日除咗係清明節，亦都係國民政府前總統蔣介石嘅死忌。1975年4月5日，蔣介石喺士林官邸心臟病發逝世，終年87歲。佢嘅太太宋美齡、蔣經國按照蔣介石嘅遺願，將靈柩安放喺慈湖陵寢。蔣介石一生傳奇，做過黃埔軍校校長，帶領國民黨推翻北洋政府，並參與抗日同國共內戰。

其中，「西安事變」可以話改變咗中國嘅發展，以及蔣介石嘅一生。1936年國民政府東北軍主帥張學良同西北軍主帥楊虎城發動兵諫，脅逼蔣介石停止剿共，合作抗日。最後喺南京政府「和平救蔣」策略之下，經過多番斡旋同談判，蔣介石承諾停止剿共、聯合抗日，張學良親自陪蔣介石返南京，其後被軟禁至1990年。

原圖取自網絡。