喺24年前，著名華人歌手鄧麗君，突然喺泰國清邁病逝，終年只有42歲，令唔少歌迷震驚。當時鄧麗君因為哮喘病情嚴重，所以就同法國男友保羅去咗清邁調養身體，點知嗰日保羅咁啱出咗去，鄧麗君就哮喘病發。自此大家只能夠透過螢幕同歌聲去緬懷依位傳奇歌后。

根據媒體報道，鄧麗君曾經同亞洲糖王郭鶴年之子郭孔丞，有過一段刻骨銘心嘅戀情，郭孔丞仲向鄧麗君求婚添。不過據講郭孔丞帶鄧麗君見屋企人時，問題就出現喇，話說郭孔丞嘅嫲嫲就向鄧麗君提出三個「入門」條件，包括將身家背景交代清楚、嫁入郭家後退出娛樂圈，以及唔再同娛樂圈嘅人往來，鄧麗君覺得呢啲條件有歧視成份、難以接受，於是就解除咗婚約，關係自此告一段落。

鄧麗君唱過唔少金曲，包括《甜蜜蜜》、《我只在乎你》、《漫步人生路》等等，唔少到今時今日依然有好多人識唱。佢咁年輕就離開，可以話係歌迷同大眾嘅遺憾。

原圖取自網絡。