呢排新聞成日見到港大，阿史咁啱搵到呢張1912年港大成立嗰陣嘅相，一於同大家分享吓。港督盧吉响1908年提出創辦香港大學，希望港大可以成為遠東嘅牛津同劍橋。開頭盧吉喺籌募經費嘅過程遇到唔少困難，後來盧吉夫婦嘅老友、嚟自印度商人麼地見到佢哋咁熱心，於是好慷慨咁帶頭捐咗15萬港元出嚟，之後盧吉再向香港嘅其他英資公司、華商及華人團體等勸捐，1910年底香港政府籌到超過120萬元經費。港大最終响1912年3月11日成立，最初只有文學院、醫學院同工程學院三個學院，大約70個學生，過咗超過一百年，2017-2018年度已經有大概近三萬名學生喇。

圖片取自網絡。