喺1945年8月15日，日本裕仁天皇透過廣播宣讀《停戰詔書》，宣布接受《波茨坦公告》嘅規定，日本無條件投降。到咗1995年8月15日，係日軍投降50週年，時任首相村山富市發表著名嘅「村山談話」，承認日本國策有錯誤，殖民統治同侵略好多國家，為亞洲各國人民帶嚟巨大損害同痛苦，並表示深刻反省同由衷歉意。

村山於1994年6月到1996年1月出任日本首相，佢當日嘅談話中提到要避免重演過去錯誤，而且要同鄰近各國人民齊齊合作，鞏固亞太同世界嘅和平。而現任首相安倍晉三自上任以嚟，不斷推動修改和平憲法，村山曾經批評呢個做法愚蠢，損害日本嘅信用，令日本無法取信於亞洲各國。

圖為村山富市，取自網絡。