呢支「飛虎隊」其實係二戰時嘅中國空軍美國志願援華航空隊（American Volunteer Group, AVG)，後改為第14航空隊，係由美國飛行教官克萊爾·李·陳納德創建，成立目的就係與中國軍民共同抗擊日本侵略者。响1941年，陳納德接受當時國民政府委託，前往美國招募飛行員。美國羅斯福政府當時已準備對軸心國開戰，所以給予暗中支持，以私人機構名義重金招募美軍飛行員同機械師，等美國軍人以平民身份參與抗日戰爭。而「飛虎隊」主要工作區域前期以中國雲南為主，後期以湖南湘西芷江機場為主。不過奇怪嘅係，呢支隊伍响1942年奉命解散，但成員又响1943年改為第14航空隊，而時人一律稱佢哋為「飛虎隊」。响抗戰期間「飛虎隊」除咗協助組建中國空軍以及同日軍作戰外，仲協助飛越喜馬拉雅山，從印度接運戰略物資到中國，以突破日本封鎖，呢條路線就係著名嘅「駝峰航線」。

1945年二戰結束，「飛虎隊」作為中美聯合抗日作戰嘅部隊亦响1946年8月解散。

原圖嚟自網絡