過咗七八月，大家係咪好期待放紅日呢？講開特別日子，上次提到以前香港喺8月尾有「重光紀念日」嘅公眾假期，而內地就有「抗戰勝利紀念日」。呢日源於日本代表1945年9月2日喺美國軍艦「密蘇里號」簽署投降書，當時嘅國民政府响第二日下令舉國慶祝3日，並將第二年嘅9月3日定為抗戰勝利紀念日。到咗新中國成立之後，中國政府於1949年底將紀念日改為8月15日，直至1951年8月再改返9月3日。當時嘅通告指出，日本政府响1945年9月2日簽字之後先至真正投降，所以就改返9月3日為抗戰勝利紀念日。

有專家分析就話，雖然日本天皇裕仁當年响8月15日發表《停戰詔書》，但事實上嗰日之後中國仍有唔少戰區仲打緊仗，戰爭並未完全停止，而且簽署正式投降書比詔書更加具法律依據，所以就將9月3日定為抗戰勝利紀念日喇。

圖片取自網絡。