早幾日位於尖沙咀嘅洲際酒店就決定休業重新裝修，而呢座世界級酒店嘅前身，其實係一個碼頭，一個叫做藍煙囪貨倉碼頭。

講起呢個碼頭，真係見證住尖沙咀嘅百年歷史。喺20世紀初期，藍煙囪貨倉碼頭就被設立喺尖沙咀東南部嘅海旁，而其實喺開埠之前，呢一帶係唔少原住民居住嘅地方，後來尖沙咀就被劃成軍事重地，呢班原本嘅居民就只好搬到油麻地一帶。後來政府更改咗對呢一塊土地嘅用途，既興建九廣鐵路，亦都畀太古集團同埋藍煙囪輪船公司買入黑頭角附近嘅土地發展貨運，令到香港可以同時成為鐵路同埋海上貨運嘅交匯處。

隨住葵涌貨櫃碼頭出現，藍煙囪貨倉碼頭嘅作用亦都逐步降低，再加上60年代之後九廣鐵路搬遷總站，太古洋行就決定喺71年將藍煙囪貨倉碼頭以1.31億港元賣畀新世界發展，反來就被改建成新世界中心同埋麗晶酒店。轉個圈返嚟，洲際又改返做麗晶，

原圖嚟自網絡